(သုတကမ္ဘာဂျာနယ် အတွဲ (၆) အမှတ် (၄) တွင် ဖော်ပြပါရှိသော ဆောင်းပါး ဖြစ်ပါသည်။)
တရုတ်ပြည်သူ့ လွတ်မြောက်ရေးတပ်မတော် (လေတပ်) ၏ J-6 နှင့် J-7 ဂျက်တိုက်လေယာဉ်များအား အသေခံဒရုန်းများအဖြစ်သို့ ပြောင်းလဲခြင်း
တရုတ်သည် စစ်အေးတိုက်ပွဲကာလက ၎င်း၏ ဂျက်တိုက်လေယာဉ်ဟောင်းအချို့အား အသေခံဒရုန်းများအဖြစ်သို့ ပြောင်းလဲနေကြောင်း Interesting Engineering Website တွင် စာရေးဆရာ Christopher McFadden ရေးသားထားကြောင်း တွေ့ရသည်။ ၂၀၁၈ ခုနှစ် ဝန်းကျင်က စတင်ကာ အရန်အဖြစ် သိုလှောင် ထိန်းသိမ်းထားသည့် J-6 နှင့် J-7 တို့ကဲ့သို့ ဂျက်တိုက်လေယာဉ်ဟောင်းများသည် အသေခံ ကာမီကာဇေ ဒရုန်းများအဖြစ် ပြောင်းလဲသုတေသနပြုရာတွင် အဓိက အစမ်းသပ်ခံများ ဖြစ်လာသည်။
ထိုဒရုန်းများအား ဥပမာအားဖြင့် တရုတ်သည် တိုင်ဝမ်ကျွန်းအား စတင်တိုက်ခိုက်ချိန်တွင် တိုင်ဝမ်လေကြောင်းရန်ကာကွယ်ရေးစနစ်များအား လွှမ်းမိုးကျော်ဖြတ်တိုက်ခိုက်ရန်အတွက် အသေခံဒရုန်းများအဖြစ် တရုတ်က အသုံးပြုနိုင်ကြောင်း ကျွမ်းကျင်သူပညာရှင်များက သုံးသပ်ကြသည်။
J-6 နှင့် J-7 တို့သည် ၁၉၅၀ နှင့် ၁၉၆၀ ပြည့်လွန်နှစ်များက ထုတ်လုပ်ခဲ့သော ဆိုဗီယက်ခေတ် MiG-19 နှင့် MiG-21 ဂျက်တိုက်လေယာဉ်များ၏ တရုတ်ထုတ်များ ဖြစ်သည်။ ၂၀၁၃ ခုနှစ်အထိ J-7 မျိုးကွဲပေါင်း ၅၄ မျိုးအား စုစုပေါင်း အစီးရေ ၂၄၀၀ ကျော် ထုတ်လုပ်ခဲ့သည်။ ထိုအရေအတွက်သည် ၎င်း၏ မူရင်း MiG-21 နှင့် အရေအတွက် အတူတူပင်ဖြစ်သည်။ MiG-21 ဂျက်တိုက်လေယာဉ်သည် ကမ္ဘာပေါ်တွင် အများဆုံးထုတ်လုပ်သော ဂျက်တိုက်လေယာဉ်အဖြစ် မှတ်တမ်းဝင်သည်။ ပါကစ္စတန်နှင် အီရန်တို့တွင် J-7 ၏ ပြည်ပတင်ပို့ရောင်းချသော မျိုးကွဲဖြစ်သည့် F-7 များအား အသုံးပြုနေဆဲဖြစ်သည်။ မြန်မာ့တပ်မတော် (လေ) တွင်လည်း J-7 ၏ မျိုးကွဲများဖြစ်သည့် F-7IIK များနှင့် FT-7 တိုက်လေယာဉ်များအား အသုံးပြုလျက် ရှိနေကြောင်း တပ်မတော်နေ့ စစ်ရေးပြအခမ်းအနားများတွင် တွေ့ရှိရသည်။
The International Institute of Strategic Studies ၏ The Military Assets and Defense Economics နှစ်ပတ်လည် အစီရင်ခံစာအရ တရုတ်ပြည်သူ့ လွတ်မြောက်ရေးတပ်မတော် (လေတပ်) (PLAAF) တွင် J-7 ဂျက်တိုက်လေယာဉ်အစီးရေ ၃၀၀ ခန့် ရှိနေကြောင်း လေ့လာတွေ့ရှိရသည်။ မည်သို့ပင် ဆိုစေကာမူ တတိယမျိုးဆက် J-7 ဂျက်တိုက်လေယာဉ်များသည် အတိတ်တစ်ချိန်က ကောင်းမွန်စွာ အသုံးတော်ခံခဲ့ရသော်လည်း ယနေ့ခေတ် တရုတ်လေတပ်သည် စတုတ္ထနှင့် ပဉ္စမမျိုးဆက်တိုက်လေယာဉ်များ ဖြစ်သည့် ရုရှားလုပ် Su-30 နှင့် တရုတ်ပြည်တွင်းထုတ် J-16 နှင့် J-20 တိုက်လေယာဉ်များအား ရရှိ အသုံးပြုနေပါသည်။
ထိုကြောင့် တရုတ်သည် J-7 များအား ၎င်း၏ ကဏ္ဍသစ်ဖြစ်သော လူမဲ့တိုက်ခိုက်ရေးလေယာဉ်များ (Uncrewed Combat Aerial Vehicle – UCAV) အဖြစ်သို့ ပြောင်းလဲပစ်ရန် အသင့်ဖြစ်နေပါပြီ။ အချို့သော ကျွမ်းကျင်သူပညာရှင်များက တရုတ်သည် J-6 များအား အသေခံဒရုန်းများအဖြစ် ပြောင်းလဲလိုက်နိုင်ပြီဖြစ်ကြောင်း တွက်ဆထားကြသည်။
လေ့လာသူများက ၂၀၂၁ ခုနှစ်အတွင်း တိုင်ဝမ်လေပိုင်နက်အနီး တရုတ်လေတပ်က ပြုလုပ်သည့် လေ့ကျင့်ခန်းများအတွင်း J-7 ဂျက်တိုက်လေယာဉ် ၄ စီးသည် ပိုမိုခေတ်မီသော J-16 တိုက်လေယာဉ်များနှင့် ပူးတွဲလေ့ကျင့်ခဲ့ကြောင်း တွေ့ရှိကြသည်။ တိုင်ဝမ်ကပင် လေယာဉ်ဖိုးဖိုးကြီးအဖြစ် လစ်လျူရှုထားသည့် အဆိုပါ J-7 များ ပါဝင်လေ့ကျင့်မှုသည် သမားရိုးကျ ဖြစ်ရိုးဖြစ်စဉ်တစ်ခု မဟုတ်ချေ။ သက်သေအထောက်အထား မရှိသော်လည်း ထိုလေယာဉ်များမှာ လူမဲ့ဒရုန်းများအဖြစ် အဆင့်မြှင့်တင်ထားသည့် လေယာဉ်များလောဟု လေ့လာသူအချို့က မေးခွန်းထုတ်ကြသည်။
တိုက်လေယာဉ်ဟောင်းများအား ဒရုန်းများအဖြစ်သို့ ပြောင်းလဲခြင်းသည် အဖိုးနည်းဝန်ပါ လုပ်ငန်းစဉ်တစ်ခု ဖြစ်ပါသည်။ ၎င်းအပြင် တိုက်ခိုက်ရေးအတွက် အသုံးပြုရန် သီးသန့်ထုတ်လုပ်ထားသည့် အမေရိကန်လုပ် MQ-9 Reaper နှင့် တူရကီလုပ် Bayraktar TB2 လူမဲ့တိုက်ခိုက်ရေးလေယာဉ်များသည် သာမန်အားဖြင့် တစ်နာရီလျှင် မိုင် ၁၃၀ မှ မိုင် ၃၀၀ အမြန်နှုန်းအထိ ပျံသန်းတိုက်ခိုက်နိုင်ကြသည်။ လေသူရဲမောင်းနှင် ပျံသန်းသည့် တိုက်လေယာဉ်များအား လျင်မြန်စွာ ပျံသန်းစစ်ကစားနိုင်ရန် ထုတ်လုပ်ထားခြင်း ဖြစ်သည်။ အသံထက် ၂ ဆ ကျော် (Mach 2) မြန်သော J-7 အား လူမဲ့လေယာဉ်အဖြစ်သို့ ပြောင်းလဲခြင်းအားဖြင့် အသံထက်မြန်သော လူမဲ့တိုက်ခိုက်ရေးလေယာဉ် (Supersonic UCAV) အဖြစ်သို့ ပြောင်းလဲရောက်ရှိမည်ဖြစ်သည်။ သို့သော် ယခုအချိန်တွင်တော့ စမ်းသပ်နေဆဲ အဆင့်တွင်သာ ရှိနေဆဲ ဖြစ်သည်။
အခြားတစ်ဘက်က ကြည့်မည်ဆိုရလျှင် တရုတ်တွင် J-7 အမြောက်အများ ရှိနေခြင်းကြောင့် အပိုပစ္စည်းကိစ္စအတွက် စိတ်ပူရန် မလိုသော်လည်း J-7 ၏ ဒီဇိုင်းမှာ ပြဿနာပေးသော ဒီဇိုင်းဖြစ်နေခြင်း အပါအဝင် တိုက်လေယာဉ်ဖြစ်နေသည့်အတွက် ပြုပြင်ထိန်းသိမ်းမှု အများအပြားလိုအပ်ခြင်းစသည့် ကန့်သတ်ချက်များလည်း ရှိနေသည်။ လက်ရှိအခြေအနေတွင် တိုက်လေယာဉ်ဟောင်းများအား ဒရုန်းများအဖြစ်သို့ ဈေးသက်သာစွာဖြင့် အများအပြား ပြောင်းလဲထုတ်လုပ်နိုင်သော်လည်း ဒရုန်းဖြင့် အစုလိုက်တိုက်ခိုက်ခြင်း (Drone Swarms) တွင် စွမ်းဆောင်ရည် နည်းပါးနိုင်ကြောင်း သုံးသပ်ရေးသား ဖော်ပြအပ်ပါသည်။
ဒေါက်တာနိုင်ဆွေဦး
သေနင်္ဂမဟာဗျူဟာလေ့လာရေးအဖွဲ့
(ရင်းမြစ်။ PLA Air Force old J-6 and J-7 jets being converted into kamikaze drones, Air Recognition, April 6, 2023)
