(ကမ္ဘာ့ရေးရာ အမှတ် ၂၀၊ ဇွန် ၂၀၂၃ တွင် ဖော်ပြပါရှိသော ဆောင်းပါး ဖြစ်ပါသည်။)
စံချိန်ချိုးသည့် ၂၀၂၂ ခုနှစ် ကမ္ဘာ့စစ်အသုံးစရိတ်
နိဒါန်း
စတော့ဟုမ်း နိုင်ငံတကာ ငြိမ်းချမ်းရေး သုတေသန အင်စတီကျူ (SIPRI) က ၂၀၂၃ ခုနှစ် ဧပြီလ ၂၄ ရက်နေ့တွင် ထုတ်ပြန်သော စာတမ်းအရ ၂၀၂၂ ခုနှစ် ကမ္ဘာလုံးဆိုင်ရာ စစ်အသုံးစရိတ်မှာ ၂၀၂၁ ခုနှစ်ထက် ၃ ဒဿမ ၇ ရာခိုင်နှုန်း တိုးတက်လာပြီး အမေရိကန်ဒေါ်လာ ၂၂၄၀ ဘီလီယံအထိ ရောက်ရှိသွားကြောင်း တွေ့ရပါသည်။ တစ်ကမ္ဘာလုံး၏ စစ်အသုံးစရိတ်သည် ၂၀၁၃ ခုနှစ်မှ ၂၀၂၂ ခုနှစ် ဆယ်စုနှစ်အတွင်း ၁၉ ရာခိုင်နှုန်းအထိ တိုးတက်လာပါသည်။ ၂၀၁၅ ခုနှစ်မှ စတင်ကာ နှစ်စဉ် မြင့်တက် သုံးစွဲနေခြင်းလည်း ဖြစ်ပါသည်။ ဥရောပနိုင်ငံများ၏ စစ်အသုံးစရိတ်မှာ တစ်နှစ်ချင်း နှိုင်းယှဉ်ပါက နှစ်ပေါင်း ၃၀ အတွင်း အမြင့်မားဆုံးသို့ ရောက်ရှိနေပါသည်။ စစ်အသုံးစရိတ် အများဆုံး သုံးစွဲနေသော နိုင်ငံ ၃ နိုင်ငံမှာ အမေရိကန်၊ တရုတ်နှင့် ရုရှားတို့ ဖြစ်ကာ တစ်ကမ္ဘာလုံး၏ ၅၆ ရာခိုင်နှုန်းအထိ သုံးစွဲထားပါသည်။
၂၀၂၂ ခုနှစ်အတွက် ကမ္ဘာ့စစ်အသုံးစရိတ်အများဆုံး နိုင်ငံများ
၂၀၂၂ ခုနှစ်အတွင်း ကမ္ဘာပေါ်တွင် စစ်အသုံးစရိတ်အများဆုံး ၁၅ နိုင်ငံတို့၏ အသုံးစရိတ်စုစုပေါင်းမှာ အမေရိကန်ဒေါ်လာ ၁,၈၄၂ ဘီလီယံဖြစ်ရာ ရာခိုင်နှုန်းအားဖြင့် ၈၂ ရာခိုင်နှုန်းအထိ ရှိနေပါသည်။ ၂၀၂၂ ခုနှစ် ဖေဖော်ဝါရီလတွင် ရုရှား – ယူကရိန်းစစ်ပွဲစတင် ဖြစ်ပွားပြီးနောက် နိုင်ငံအလိုက် စစ်အသုံးစရိတ် သုံးစွဲမှု အဆင့်များ ပြောင်းလဲခဲ့ပါသည်။ ဥပမာအားဖြင့် ရုရှားသည် ၂၀၂၂ ခုနှစ်တွင် ၉ ဒဿမ ၂ ရာခိုင်နှုန်း တိုးမြှင့် သုံးစွဲခဲ့ရာ ၂၀၂၁ ခုနှစ်က ပဉ္စမမြောက် အများဆုံး သုံးစွဲသူနေရာမှ ၂၀၂၂ ခုနှစ်တွင် တတိယအများဆုံး စစ်အသုံးစရိတ်သုံးစွဲသူ ဖြစ်လာပါသည်။ ယူကရိန်းသည်လည်း ၎င်း၏ စစ်အသုံးစရိတ်အား ၆၄၀ ရာခိုင်နှုန်းအထိ တိုးမြှင့်သုံးစွဲခဲ့ရာ အဆင့် ၁၁ ဖြင့် ပထမဆုံးအကြိမ်အဖြစ် ထိပ်တန်း ၁၅ နိုင်ငံတွင် ပါဝင်လာခဲ့ပါသည်။
အခြားထင်ရှားသော ပြောင်းလဲမှုများမှာ ထိပ်တန်း ၁၅ နိုင်ငံတွင် ဆော်ဒီအာရေဗီးယားနိုင်ငံသည် အဌမမြောက်အဆင့်မှ ပဥွမမြောက်အဆင့်သို့ တိုးတက်လာကာ ယူကေ၊ ဂျာမနီနှင့် ပြင်သစ်တို့၏ ရှေ့သို့ ရောက်ရှိနေရာယူထားပါသည်။ အမေရိကန် (၃၉ ရာခိုင်နှုန်း) နှင့် တရုတ် (၁၃ ရာခိုင်နှုန်း) တို့သည် ကမ္ဘာ့စစ်အသုံးစရိတ်အများဆုံး နှစ်နိုင်ငံအဖြစ် ဆက်လက်တည်ရှိနေကာ ရုရှား (၃ ဒဿမ ၉ ရာခိုင်နှုန်း)၊ အိန္ဒိယ (၃ ဒဿမ ၆ ရာခိုင်နှုန်း) နှင့် ဆော်ဒီအာရေဗီးယား (၃ ဒဿမ ၃ ရာခိုင်နှုန်း) တို့သည် ထိပ်တန်း ၅ နိုင်ငံ ဖြစ်လာသည်။ ထိုကမ္ဘာ့စစ်အသုံးစရိတ်အများဆုံး ထိပ်တန်း (၅) နိုင်ငံ၏ ၂၀၂၂ ခုနှစ်အတွင်း စုစုပေါင်း စစ်အသုံးစရိတ်မှာ ၆၃ ရာခိုင်နှုန်း ဖြစ်သည်။
ထိပ်တန်း ၁၅ နိုင်ငံအနက် ၆ နိုင်ငံဖြစ်သော ပြင်သစ်၊ ဂျာမနီ၊ ဂျပန်၊ ရုရှား၊ ယူကရိန်းနှင့် ယူကေတို့၏ ၂၀၂၂ ခုနှစ်တွင် ၎င်းတို့၏ စစ်အသုံးစရိတ်အား နိုင်ငံအလိုက် ဂျီဒီပီအချိုးအရလည်း တိုးမြှင့် သုံးစွဲခဲ့ကြပါသည်။ ယူကရိန်းသည် ၎င်း၏ ၂၀၂၂ ခုနှစ် စစ်အသုံးစရိတ်အား ဂျီဒီပီ၏ ၃၄ ရာခိုင်နှုန်းအထိ တိုးမြှင့် သုံးစွဲခဲ့ရာ ဂျီဒီပီအချိုးအရ ကမ္ဘာပေါ်တွင် အများဆုံး သုံးစွဲသော နိုင်ငံ ဖြစ်လာသည်။
ကမ္ဘာ့ဒေသကြီးများအလိုက် စစ်အသုံးစရိတ် သုံးစွဲမှု
အမေရိကတိုက်မှ နိုင်ငံများသည် ကမ္ဘာ့ဒေသကြီးများအလိုက် စစ်အသုံးစရိတ်အများဆုံး သုံးစွဲသော နိုင်ငံများ ဖြစ်ပြီး ၂၀၂၂ ခုနှစ် ကမ္ဘာ့စုစုပေါင်း စစ်အသုံးစရိတ်၏ ၄၃ ရာခိုင်နှုန်း ရှိပါသည်။ အာရှတိုက်နှင့် သမုဒ္ဒရာရပ်ဝန်းဒေသမှ နိုင်ငံများသည် ဒုတိယနေရာလိုက်ပြီး ၂၀၂၂ ခုနှစ်တွင် ၂၆ ရာခိုင်နှုန်း သုံးစွဲခဲ့ပါသည်။ ၂၀၂၂ ခုနှစ်တွင် ဥရောပတိုက်သည် ၂၁ ရာခိုင်နှုန်းနှင့် အရှေ့အလယ်ပိုင်းဒေသသည် ၈ ဒဿမ ၂ ရာခိုင်နှုန်းတို့ဖြင့် အသီးသီး သုံးစွဲခဲ့ကြပါသည်။ အာဖရိကတိုက်နိုင်ငံများ၏ ၂၀၂၂ ခုနှစ်အတွက် စုစုပေါင်း စစ်အသုံးစရိတ်မှာ ၁ ဒဿမ ၈ ရာခိုင်နှုန်းသာ ဖြစ်ရာ ကမ္ဘာ့ဒေသကြီးများအလိုက် အနည်းဆုံး သုံးစွဲမှု ဖြစ်ပါသည်။
ရုရှား – ယူကရိန်းစစ်ပွဲနှင့် အရှေ့အာရှမှ တင်းမာမှုများသည် စစ်အသုံးစရိတ် ပိုမိုသုံးစွဲမှုအား ဖြစ်ပေါ်စေသည်။
တစ်ကမ္ဘာလုံး စစ်အသုံးစရိတ် သုံးစွဲခြင်းမြင့်မားမှုသည် ရှစ်နှစ်ဆက်တိုက် တိုးမြင့်လာခြင်း ဖြစ်ပါသည်။ ရုရှားနှင့် ယူကရိန်းတို့၏ သုံးစွဲမှုများအား ထည့်သွင်းတွက်ချက်ထားသည့်အတွက် ဥရောပတိုက်၏ သုံးစွဲမှုမှာ (၁၃) ရာခိုင်နှုန်းဖြင့် အမြင့်ဆုံး ဖြစ်လာပါသည်။ ယူကရိန်းအား စစ်ဘက်ဆိုင်ရာ အထောက်အပံ့များ ပေးခြင်း၊ ရုရှား၏ စစ်ရေးအခြေအနေနှင့် အရှေ့အာရှမှ တင်းမာမှုများသည် နိုင်ငံများအတွက် စစ်အသုံးစရိတ် ခွဲဝေသုံးစွဲရေးဆိုင်ရာ ဆုံးဖြတ်ချက်များအပေါ် လွှမ်းမိုးလျက် ရှိသောအချက်များ ဖြစ်ပါသည်။
ကုန်လွန်ခဲ့သော နှစ်များအတွင်း စစ်အသုံးစရိတ် ဆက်တိုက်ဆိုသလို မြင့်တက်လာရခြင်းသည် မိမိတို့အနေဖြင့် လုံခြုံမှုကင်းမဲ့နေသော ကမ္ဘာပေါ်တွင် နေထိုင်နေရခြင်းကို ပြသနေခြင်းဖြစ်ကြောင်း SIPRI ၏ စစ်အသုံးစရိတ်နှင့် လက်နက်ထုတ်လုပ်ရေးအစီအစဉ်ဆိုင်ရာ အကြီးတန်း သုတေသီ Dr. Nan Tian က သုံးသပ်ပါသည်။ မဝေးတော့သည့် အနာဂတ်တိုင် တိုးတက်လာဖွယ် မရှိသေးသည့် ယိုယွင်းပျက်စီးနေသော လုံခြုံရေး ပတ်ဝန်းကျင် အခြေအနေကို တုံ့ပြန်ရန်အတွက် နိုင်ငံများအနေဖြင့် စစ်အင်အားကို တိုးချဲ့နေကြရကြောင်း ၎င်းက သုံးသပ်သည်။
စစ်အေးတိုက်ပွဲခေတ် စစ်အသုံးစရိတ် အခြေအနေထိ မြင့်တက်သုံးစွဲနေသော ဥရောပ အလယ်ပိုင်းနှင့် အ နောက်ပိုင်း
ဥရောပ အလယ်ပိုင်းနှင့် အနောက်ပိုင်းနိုင်ငံများ၏ ၂၀၂၂ ခုနှစ် စစ်အသုံးစရိတ်မှာ အမေရိကန် ဒေါ်လာ ၃၄၅ ဘီလီယံအထိ ရောက်ရှိလာသည်။ စစ်အေးတိုက်ပွဲအဆုံးသတ်ကာလဖြစ်သော ၁၉၈၉ ခုနှစ်က စစ်အသုံးစရိတ်အား ကျော်လွန် သုံးစွဲခြင်းလည်း ဖြစ်သည်။ ဤသည်မှာ ၂၀၁၃ ခုနှစ်ထက် ၃၀ ရာခိုင်နှုန်း ပိုမိုသုံးစွဲခြင်း ဖြစ်သည်။ ၂၀၂၂ ခုနှစ် ဖေဖော်ဝါရီလက ရုရှား – ယူကရိန်းစစ်ပွဲ စတင်ဖြစ်ပွါးချိန်မှ စတင်ကာ နိုင်ငံအများအပြားသည် ၎င်းတို့၏ စစ်အသုံးစရိတ်အား သိသိသာသာ တိုးမြှင့်သုံးစွဲနေကြပြီး အခြားနိုင်ငံများကလည်း နောက်ဆယ်စုနှစ် တစ်စုကျော်အထိ တိုးမြှင့်သုံစွဲရန် အစီအစဉ်များအား ကြေညာခဲ့ကြပါသည်။
ရုရှား – ယူကရိန်း စစ်ပွဲသည် ဥရောပ အလယ်ပိုင်းနှင့် အနောက်ပိုင်းနိုင်ငံများ၏ စစ်အသုံးစရိတ် သုံးစွဲရန် ဆုံးဖြတ်ချက်များအား တိုက်ရိုက် အကျိုး သက်ရောက်မှု ဖြစ်ပေါ်စေပါသည်။ နိုင်ငံ့အစိုးရများသည် နှစ်ရှည်စီမံကိန်းများဖြင့် စစ်အသုံးစရိတ် တိုးမြှင့်ရန် ဆုံးဖြတ်လာကြသည်။ အကျိုးရလဒ်အနေဖြင့် လာမည့်နှစ်များအတွင်း ဥရောပ အလယ်ပိုင်းနှင့် အနောက်ပိုင်းနိုင်ငံများ၏ စစ်အသုံးစရိတ်မှာ ဆက်လက် မြင့်တက်နေမည်ဟု သုံးသပ်ရပါသည်။ သိသာထင်ရှားသော စစ်အသုံးစရိတ်တိုးမြှင့် သုံးစွဲမှုများမှာ ဖင်လန် (၃၆ ရာခိုင်နှုန်း)၊ လစ်သူရေးနီယား (၂၇ ရာခိုင်နှုန်း)၊ ဆွီဒင် (၁၂ ရာခိုင်နှုန်း) နှင့် ပိုလန် (၁၁ ရာခိုင်နှုန်း) တို့ ဖြစ်ကြသည်။
၂၀၂၂ ဖေဖော်ဝါရီလတွင် စတင်သော ရုရှား – ယူကရိန်းစစ်ပွဲသည် စစ်အသုံးစရိတ်သုံးစွဲခြင်းဆိုင်ရာ ဆုံးဖြတ် ချက်များအား အကျိုးသက်ရောက်မှု ရှိသည်မှာ မှန်ကန်သော်လည်း ထိုအချိန်မတိုင်မီကပင် ရုရှားအပေါ် စိုးရိမ်မှုများ ရှိနေကြောင်း SIPRI ၏ စစ်အသုံးစရိတ်နှင့် လက်နက်ထုတ်လုပ်ရေးအစီအစဉ်ဆိုင်ရာ သုတေသီ Lorenzo Scarazzato က သုံးသပ်ပါသည်။ ရုရှားက ခရိုင်းမီးယားအား ပြန်လည် သိမ်းပိုက်ပြီး ၂၀၁၄ ခုနှစ် နောက်ပိုင်းမှ စတင်ကာ ယခင်အရှေ့အုပ်စုဝင် နိုင်ငံအများအပြားသည် ၎င်းတို့၏ စစ်အသုံးစရိတ်ကို နှစ်ဆကျော် တိုးမြှင့်သုံးစွဲနေကြပါသည်။
ရုရှားနှင့် ယူကရိန်းတို့က စစ်ပွဲအရှိန် မြင့်မားလာသည်နှင့်အမျှ စစ်အသုံးစရိတ် တိုးမြှင့် သုံးစွဲလာခြင်း
ရုရှား၏ ၂၀၂၂ ခုနှစ် စစ်အသုံးစရိတ်မှာ အမေရိကန်ဒေါ်လာ ၈၆ ဒဿမ ၄ ဘီလီယံဖြစ်ရာ ၉ ဒဿမ ၂ ရာခိုင်နှုန်း တိုးမြင့်လာခြင်း ဖြစ်သည်။ ဤသည်မှာ ၂၀၂၂ ခုနှစ် ဂျီဒီပီ ၏ ၄ ဒဿမ ၁ ရာခိုင်နှုန်းဖြစ်ပြီး ၂၀၂၁ ခုနှစ်က ၃ ဒဿမ ၇ ရာခိုင်နှုန်းသာ ရှိခဲ့သည်။ ၂၀၂၂ ခုနှစ်နှောင်းပိုင်းတွင် ရုရှားက ထုတ်ပြန်ခဲ့သည့် အချက်အလက်များအရ စစ်အသုံးစရိတ်တွင် အကြီးမားဆုံး အစိတ်အပိုင်းဖြစ်သည့် အမျိုးသားကာကွယ်ရေး အသုံးစရိတ်သည် ၂၀၂၁ ခုနှစ် လျာထား ဘတ်ဂျက် စီမံချက်ထက် ၃၄ ရာခိုင်နှုန်း တိုးမြင့်လာကြောင်း တွေ့ရသည်။ ၂၀၂၂ ခုနှစ်အတွက် လျာထားဘတ်ဂျက်နှင့် အမှန်တကယ် အသုံးစရိတ် ကွာခြားရခြင်းမှာ ယူကရိန်းတွင် သုံးစွဲရန် ကြိုတင်မျှော်မှန်းထားသည်ထက် ပိုမိုများပြားနေခြင်းကြောင့်ဟု SIPRI က သုံးသပ်ထားသည်။
ယူကရိန်း၏ ၂၀၂၂ ခုနှစ် စစ်အသုံးစရိတ်မှာ အမေရိကန်ဒေါ်လာ ၄၄ ဘီလီယံအထိ ရောက်ရှိသွားသည်။ ဤသည်မှာ ၆၄၀ ရာခိုင်နှုန်း မြင့်တက်ခြင်းဖြစ်ရာ သမိုင်းတစ်လျှောက် တစ်နှစ်အတွင်း အမြင့်ဆုံး စစ်အသုံးစရိတ် သုံးစွဲသောနိုင်ငံအဖြစ် SIPRI တွင် မှတ်တမ်းဝင်လေသည်။ ယူကရိန်းသည် ၂၀၂၁ ခုနှစ်က စစ်အသုံးစရိတ်သည် ဂျီဒီပီ၏ ၃ ဒဿမ ၂ ရာခိုင်နှုန်းသာ ရှိရာက ၂၀၂၂ ခုနှစ်တွင် ၃၄ ရာခိုင်နှုန်းအထိ တိုးမြှင့် သုံးစွဲခဲ့ကြောင်း တွေ့ရသည်။
ငွေကြေးဖောင်းပွမှု မြင့်မားနေသော်လည်း စစ်အသုံးစရိတ် တိုးမြှင့်သုံးစွဲနေသည့် အမေရိကန်
အမေရိကန်သည် ကမ္ဘာ့စစ်အသုံးစရိတ်အများဆုံးနိုင်ငံအဖြစ် ဆက်လက်ဗိုလ်စွဲထားဆဲ ဖြစ်သည်။ အမေရိကန်၏ ၂၀၂၂ ခုနှစ် စစ်အသုံးစရိတ်မှာ အမေရိကန် ဒေါ်လာ ၈၇၇ ဘီလီယံ ဖြစ်ရာ တစ်ကမ္ဘာလုံး စစ်အသုံးစရိတ်၏ ၃၉ ရာခိုင်နှုန်းဖြစ်သည်။ ဤသည်မှာ ကမ္ဘာ့ဒုတိယ စစ်အသုံးစရိတ်အများဆုံးဖြစ်သော တရုတ်ထက် ၃ ဆ ပိုမိုများပြားနေခြင်း ဖြစ်သည်။ ၂၀၂၂ ခုနှစ်တွင် အမေရိကန်၏ စစ်အသုံးစရိတ်မှာ ၀ ဒဿမ ၇ ရာခိုင်နှုန်း တိုးတက်လာသည် ဖြစ်ရာ ယူကရိန်းအား စစ်ရေးဆိုင်ရာ အကူအညီများ မကြုံစဘူး ထူးကဲစွာ အကူအညီပေးနေခြင်းကြောင့် ဖြစ်ကြောင်း SIPRI က သုံးသပ်သည်။ အမေရိကန်၏ စစ်အသုံးစရိတ်အချိုးအစားအရ၊ ရာခိုင်နှုန်းအနည်းငယ် တိုးလာသည့်တိုင် ကမ္ဘာ့စစ်အသုံးစရိတ် အဆင့်အပေါ် သိသာထင်ရှားသော သက်ရောက်မှုရှိသည်။
၂၀၂၂ ခုနှစ်တွင် အမေရိကန်က ယူကရိန်းအား အမေရိကန် ဒေါ်လာ ၁၉ ဒဿမ ၉ ဘီလီယံ တန်ဖိုးရှိ စစ်ရေးအကူအညီများ ပေးအပ်ခဲ့သည်။ ဤသည်မှာ စစ်အေးတိုက်ပွဲနောက်ပိုင်း နိုင်ငံတစ်နိုင်ငံအား တစ်နှစ်အတွင်း စစ်ရေးအကူအညီ အများဆုံး ထောက်ပံ့ပေးအပ်ခြင်း ဖြစ်သော်လည်း အမေရိကန် စစ်အသုံးစရိတ် စုစုပေါင်း၏ ၂ ဒဿမ ၃ ရာခိုင်နှုန်းသာ ရှိသည်။
၂၀၂၂ ခုနှစ်တွင် အမေရိကန်သည် ၎င်း၏ စစ်အသုံးစရိတ်အား စစ်ဆင်ရေးနှင့် ပြုပြင်ထိန်းသိမ်းရေးအတွက် အမေရိကန်ဒေါ်လာ ၂၉၅ ဘီလီယံ၊ ပစ္စည်းဝယ်ယူရေး၊ သုတေသနနှင့် ဖွံ့ဖြိုးရေးအတွက် အမေရိကန်ဒေါ်လာ ၂၆၄ ဘီလီယံနှင့် စစ်သည်များအတွက် ၁၆၇ ဘီလီယံ ခွဲဝေ သုံးစွဲခဲ့သည်။
အာရှတိုက်နှင့် သမုဒ္ဒရာ ရပ်ဝန်းဒေသမှ တရုတ်နှင့် ဂျပန်တို့၏ တိုးမြှင့် သုံးစွဲမှုများ
အာရှတိုက်နှင့် သမုဒ္ဒရာ ရပ်ဝန်းဒေသမှ နိုင်ငံများ၏ ၂၀၂၂ ခုနှစ်အတွက် စုစုပေါင်း စစ်အသုံးစရိတ်မှာ အမေရိကန်ဒေါ်လာ ၅၇၅ ဘီလီယံ ဖြစ်ပါသည်။ ဤသည်မှာ ၂၀၂၁ ခုနှစ်ကထက် ၂ ဒဿမ ၇ ရာခိုင်နှုန်းနှင့် ၂၀၁၃ ခုနှစ်ကထက် ၄၅ ရာခိုင်နှုန်း တိုးတက်လာခြင်း ဖြစ်သည်။ ၁၉၈၉ ခုနှစ်နောက်ပိုင်း အကျမရှိ ဆက်တိုက် တိုးမြှင့် သုံးစွဲနေခြင်းလည်း ဖြစ်သည်။ ၂၀၂၂ ခုနှစ်တွင် တရုတ်၊ အိန္ဒိယနှင့် ဂျပန် ၃ နိုင်ငံပေါင်း၏ စစ်အသုံးစရိတ်မှာ ဒေသတစ်ခုလုံး၏ လေးပုံ သုံးပုံ နီးပါး (၇၃ ရာခိုင်နှုန်း) ရှိပါသည်။
အရှေ့အာရှနိုင်ငံများ၏ ၂၀၂၂ ခုနှစ် စစ်အသုံးစရိတ် စုစုပေါင်းမှာ အမေရိကန်ဒေါ်လာ ၃၉၇ ဘီလီယံရှိရာ ၂၀၂၁ ခုနှစ်ကထက် ၃ ဒဿမ ၅ ရာခိုင်နှုန်း တိုးတက်လာခြင်း ဖြစ်ပါသည်။ အရှေ့အာရှဒေသတွင် စစ်အသုံးစရိတ် အများဆုံးသုံးစွဲသော နိုင်ငံများမှာ တရုတ်၊ တောင်ကိုရီးယားနှင့် ဂျပန်တို့ဖြစ်ပါသည်။ တရုတ်သည် အရှေ့အာရှ ဒေသ၏ ၇၄ ရာခိုင်နှုန်း၊ တောင်ကိုရီးယားသည် ၁၂ ရာခိုင်နှုန်းနှင့် ဂျပန်သည်လည်း ၁၂ ရာခိုင်နှုန်းတို့ကို ၂၀၂၂ ခုနှစ်အတွင်း သုံးစွဲခဲ့ကြသည်။
တရုတ်သည် ကမ္ဘာ့ဒုတိယမြောက် အများဆုံး စစ်အသုံးစရိတ် သုံးစွဲသည့် နိုင်ငံဖြစ်ပြီး ၂၀၂၂ ခုနှစ်တွင် အမေရိကန်ဒေါ်လာ ၂၉၂ ဘီလီယံ သုံးစွဲခဲ့သည်။ ဤသည်မှာ ၂၀၂၁ ခုနှစ်ထက် ၄ ဒဿမ ၂ ရာခိုင်နှုန်းနှင့် ၂၀၁၃ ခုနှစ်ထက် ၆၃ ရာခိုင်နှုန်း တိုးမြှင့်သုံးစွဲခြင်း ဖြစ်သည်။ တရုတ်၏ စစ်အသုံးစရိတ်သည် ၂၈ နှစ် ဆက်တိုက် တိုးမြှင့် သုံးစွဲနေခြင်း ဖြစ်ပါသည်။
တောင်ကိုရီးယား၏ ၂၀၂၂ ခုနှစ် စစ်အသုံးစရိတ်မှာ အမေရိကန်ဒေါ်လာ ၄၆ ဒဿမ ၄ ဘီလီယံဖြစ်ပြီး ၂ ဒဿမ ၅ ရာခိုင်နှုန်း ကျဆင်းခဲ့ပါသည်။ ဤသည်မှာ စစ်အသုံးစရိတ်အား ၂၂ နှစ် ဆက်တိုက် တိုးမြှင့်သုံးစွဲခဲ့ပြီးနောက် ပထမဆုံးအဖြစ် ပြန်လည် ကျဆင်းသွားခြင်း ဖြစ်ပါသည်။ ၂၀၂၁ ခုနှစ်က ၂ ဒဿမ ၉ ရာခိုင်နှုန်း တိုးမြှင့် သုံးစွဲခဲ့သော်လည်း ၂၀၂၂ ခုနှစ်တွင် လျော့ကျ သုံးစွဲရခြင်းမှာ ငွေးကြေးဖောင်းပွမှုကြောင့်လည်း ဖြစ်ပါသည်။
ဂျပန်၏ စစ်အသုံးစရိတ်မှာ ၂၀၂၂ ခုနှစ်တွင် အမေရိကန် ဒေါ်လာ ၄၆ ဘီလီယံဖြစ်ရာ ၂၀၂၁ ခုနှစ်ထက် ၅ ဒဿမ ၉ ရာခိုင်နှုန်း တိုးတက်လာခြင်းဖြစ်သည်။ ဂျီဒီပီ၏ ၁ ဒဿမ ၁ ရာခိုင်နှုန်း သုံးစွဲခြင်း ဖြစ်သည်။ ဂျီဒီပီ၏ ၁ ရာခိုင်နှုန်းအထက်သို့ သုံးနှစ်ဆက်တိုက်အဖြစ်လည်း တိုးမြှင့်သုံးစွဲခြင်း ဖြစ်ပါသည်။ ဤသည်မှာ ၁၉၆၀ ပြည့်နှစ် နောက်ပိုင်း အမြင့်ဆုံး သုံးစွဲခြင်းလည်း ဖြစ်သည်။ ၂၀၂၂ ခုနှစ်တွင် ထုတ်ပြန်သော အမျိုးသားလုံခြုံရေး မဟာဗျူဟာအရ ဂျပန်သည် တရုတ်၊ မြောက်ကိုရီးယားနှင့် ရုရှားတို့၏ ကြီးထွားလာသော ခြိမ်းခြောက်မှုများအား တုံ့ပြန်နိုင်ရန်အတွက် လာမည့်ဆယ်စုနှစ်အတွင်း ၎င်း၏ စစ်ရေးစွမ်းရည်အား တိုးမြှင့်ရန် အမျှော်အမြင် ကြီးမားစွာဖြင့် စီမံချက်ချ လုပ်ဆောင်နေကြာင်း လေ့လာတွေ့ရှိရသည်။ ၂၀၂၇ ခုနှစ်အရောက်တွင် ဂျီဒီပီ၏ ၂ ရာခိုင်နှုန်းအထိ တိုးမြှင့်သုံးစွဲသွားရန်လည်း လျာထားပါသည်။
ဂျပန်သည် ၎င်း၏ စစ်ရေးမူဝါဒအား နက်နဲသိမ်မွေ့စွာ ပြောင်းလဲနေကြာင်းနှင့် ဂျပန်အား ချမှတ်ထားသည့် ဒုတိယကမ္ဘာစစ်ပြီးခေတ် စစ်ရေးစွမ်းရည်နှင့် စစ်အသုံးစရိတ်ဆိုင်ရာ ကန့်သတ်ချက်များအား လျော့ချမည့်ပုံ ရှိနေကြောင်း SIPRI က သုံးသပ်သည်။
အခြားထင်ရှားသော ဖြစ်ပေါ် ပြောင်းလဲမှုများ
၂၀၂၂ ခုနှစ်အတွက် အမှန်စစ်အသုံးစရိတ်မှ ငွေကြေးဖောင်းပွမှုကြောင့် နိမ့်ပါးနေသော်လည်း နိုင်ငံအများအတွက် ဆယ်စုနှစ်ပေါင်းများစွာအတွင်း တစ်ဟုန်ထိုး မြင့်တက်သုံးစွဲမှုဖြစ်သည်။ တစ်ကမ္ဘာလုံး၏ စစ်အသုံးစရိတ် စုစုပေါင်း ၆ ဒဿမ ၅ ရာခိုင်နှုန်း တိုးမြှင့်လာခြင်း ဖြစ်သည်။
အိန္ဒိယ၏ ၂၀၂၂ ခုနှစ် စစ်အသုံးစရိတ်မှာ အမေရိကန်ဒေါ်လာ ၈၁ ဒဿမ ၄ ဘီလီယံဖြစ်ရာ ကမ္ဘာ့စတုတ္ထမြောက် စစ်အသုံးစရိတ် အများဆုံးနိုင်ငံဖြစ်လာသည်။ ၂၀၂၁ ခုနှစ်ကထက် ၆ ရာခိုင်နှုန်း တိုးတက်လာခြင်း ဖြစ်သည်။
ကမ္ဘာ့ပဉ္စမမြောက် စစ်အသုံးစရိတ်အများဆုံးနိုင်ငံဖြစ်သော ဆော်ဒီအာရေဗျနိုင်ငံသည် ၂၀၂၂ ခုနှစ်တွင် ခန့်မှန်း အမေရိကန်ဒေါ်လာ ၇၅ ဘီလီယံ သုံးစွဲခဲ့ရာ ယခင်နှစ်ကထက် ၁၆ ရာခိုင်နှုန်းအထိ တိုးမြှင့်သုံးစွဲခြင်း ဖြစ်သည်။ ၂၀၁၈ ခုနှစ်နောက်ပိုင်း ပထမဆုံးအကြိမ်အဖြစ် တိုးမြှင့်သုံးစွဲခြင်းလည်း ဖြစ်ပါသည်။
နိုင်ဂျီးရီးယားနိုင်ငံအနေဖြင့်မူ ၂၀၂၂ ခုနှစ်တွင် အမေရိကန်ဒေါ်လာ ၃ ဒဿမ ၁ ဘီလီယံကို စစ်အသုံးစရိတ်အဖြစ် သုံးစွဲခဲ့ရာ ၃၈ ရာခိုင်နှုန်း လျှော့ချသုံးစွဲခဲ့ခြင်း ဖြစ်သည်။ သို့သော် နိုင်ဂျီးရီးယားသည် ၂၀၂၁ ခုနှစ်က ၅၆ ရာခိုင်နှုန်းအထိ တိုးမြှင့် သုံးစွဲခဲ့ဘူးသည်။
မြောက်အတ္တလန္တိတ်စာချုပ်အဖွဲ့ (NATO) အဖွဲ့ဝင်နိုင်ငံအားလုံး၏ ၂၀၂၂ ခုနှစ်အတွက် စစ်အသုံးစရိတ် စုစုပေါင်းမှာ အမေရိကန်ဒေါ်လာ ၁၂၃၂ ဘီလီယံဖြစ်ရာ ၂၀၂၁ ခုနှစ်ကထက် ၀ ဒဿမ ၉ ရာခိုင်နှုန်း တိုးမြှင့် သုံးစွဲခြင်း ဖြစ်သည်။
ယူကေနိုင်ငံသည် အလယ်ပိုင်းနှင့် အနောက်ဥရောပတွင် စစ်အသုံးစရိတ်အများဆုံး သုံးစွဲသည့် နိုင်ငံဖြစ်ပြီး အမေရိကန်ဒေါ်လာ ၆၈ ဒဿမ ၅ ဘီလီယံ သုံးစွဲခဲ့သည်။ ထိုအထဲမှ အမေရိကန်ဒေါ်လာ ၂ ဒဿမ ၅ ဘီလီယံ (၃ ဒဿမ ၆ ရာခိုင်နှုန်း) သည် ယူကရိန်းအား စစ်ရေးအကူအညီအဖြစ် ထောက်ပံ့ပေးအပ်ခြင်း ဖြစ်သည်။
၂၀၂၂ ခုနှစ်တွင် တူကီရေးသည် စစ်အသုံးစရိတ်အဖြစ် အမေရိကန်ဒေါ်လာ ၁၀ ဒဿမ ၆ ဘီလီယံအား သုံးစွဲခဲ့ရာ တတိယမြောက်နှစ်အဖြစ် စစ်အသုံးစရိတ်လျှော့ချသုံးစွဲခြင်း ဖြစ်သည်။ ၎င်းသည် ၂၀၂၁ ခုနှစ်ကထက် ၂၆ ရာခိုင်နှုန်းအထိ လျှော့ချသုံးစွဲခြင်း ဖြစ်သည်။
အီသီယိုးပီးယား၏ ၂၀၂၂ ခုနှစ် စစ်အသုံးစရိတ်မှာ အမေရိကန်ဒေါ်လာ ၁ ဘီလီယံသို့ ရောက်ရှိလာရာ ၈၈ ရာခိုင်နှုန်းအထိ တိုးမြှင့်သုံးစွဲခြင်း ဖြစ်ပါသည်။ ထိုသို့ တိုးမြှင့်သုံးစွဲရခြင်းမှာ အစိုးရသစ်အနေဖြင့် နိုင်ငံ၏ မြောက်ပိုင်းတွင် Tigray People’s Liberation Front သူပုန်အဖွဲ့အား ရင်ဆိုင်ထိုးစစ်ဆင်နေရခြင်းကြောင့် ဖြစ်သည်ဟု သုံးသပ်ရပါသည်။
စစ်အသုံးစရိတ်အား ဂျီဒီပီအချိုးအရ တိုင်းတာခြင်း
နိုင်ငံတစ်နိုင်ငံ၏ စစ်အသုံးစရိတ်အား ၎င်းနိုင်ငံ၏ ဂျီဒီပီအချိုးအရ တိုင်းတာခြင်းသည် တိုင်းပြည်က စစ်ရေးအပေါ် မည်မျှစီးပွားရေးအရ ကျခံသုံးစွဲနေသည်ကို အလွယ်ကူဆုံး တိုင်းတာနည်း ဖြစ်ပါသည်။ ၂၀၂၂ ခုနှစ်အတွင်း ကမ္ဘာလုံးဆိုင်ရာ စစ်အသုံးစရိတ် မြင့်တက်ခဲ့သော်လည်း ကမ္ဘာလုံးဆိုင်ရာ ဂျီဒီပီမှာလည်း မြင့်တက်လာခဲ့ပါသည်။ ကမ္ဘာ့ဒေသကြီးများအလိုက် လေ့လာကြည့်မည်ဆိုပါက ပျမ်းမျှအားဖြင့် အရှေ့အလယ်ပိုင်းဒေသသည် ဂျီဒီပီ၏ ၃ ဒဿမ ၉ ရာခိုင်နှုန်းဖြင့် အမြင့်ဆုံး သုံးစွဲနေပါသည်။ ဥရောပတိုက်သည် ဂျီဒီပီ၏ ၂ ဒဿမ ၅ ရာခိုင်နှုန်းဖြင့်လည်းကောင်း၊ အာဖရိကတိုက်သည် ဂျီဒီပီ၏ ၁ ဒဿမ ၇ ရာခိုင်နှုန်းဖြင့်လည်းကောင်း၊ အာရှတိုက်နှင့် သမုဒ္ဒရာ ရပ်ဝန်းဒေသသည် ဂျီဒီပီ၏ ၁ ဒဿမ ၅ ရာခိုင်နှုန်းဖြင့်လည်းကောင်း၊ အမေရိကတိုက်သည် ဂျီဒီပီ၏ ၁ ဒဿမ ၂ ရာခိုင်နှုန်းဖြင့်လည်းကောင်း အသီးသီး သုံးစွဲခဲ့ကြပါသည်။ ၂၀၂၂ ခုနှစ်အတွက် ဥရောပတိုက်မှ နိုင်ငံများ၏ ပျမ်းမျှ စစ်အသုံးစရိတ်တိုးတက်မှုမှာ ၀ ဒဿမ ၈ ရာခိုင်နှုန်းဖြစ်ပါသည်။
နိဂုံး
စစ်အသုံးစရိတ်အား တိုးမြှင့်သုံးစွဲခြင်းသည် စစ်ပွဲကာလအတွင်း အောင်မြင်မှုအား အဆုံးအဖြတ်ပေးနိုင်သည် ဟူသောအချက်နှင့် ပတ်သက်၍ အငြင်းပွားနေကြဆဲဖြစ်ပါသည်။ သို့သော်လည်း ယနေ့ကမ္ဘာကြီးသည် သမားရိုးကျလုံခြုံရေးဆိုင်ရာ ခြိမ်းခြောက်မှုများနှင့် သမားရိုးကျမဟုတ်သော လုံခြုံရေးဆိုင်ရာ ခြိမ်းခြောက်မှုများအား ဆက်တိုက်ဆိုသလိုပင် ရင်ဆိုင်နေကြရပါသည်။ စစ်အသုံးစရိတ်ဆိုသည်မှာ နိုင်ငံက မိမိတို့ အမျိုးသားလုံခြုံရေးအတွက် ရင်းနှီးမြှုပ်နှံမှု ဖြစ်ပါသည်။ စစ်ပွဲတစ်ပွဲ အောင်နိုင်ရေး သို့မဟုတ် မိမိနိုင်ငံ၏ အမျိုးသားလုံခြုံရေး စွမ်းပကား တောင့်တင်းခိုင်မာရေးသည် စစ်အသုံးစရိတ် တိုးမြှင့်သုံးစွဲရုံမျှ မလုံလောက်တော့ပဲ အမျိုးသားကာကွယ်ရေး မဟာဗျူဟာအပါအဝင် အမျိုးသားလုံခြုံရေး မဟာဗျူဟာအား ကောင်းမွန် ပြည့်စုံစွာ ရေးဆွဲ ကျင့်သုံး အကောင်အထည် ဖော်ခြင်းနှင့် သတ်မှတ်ထားသော နှစ်ကာလအပိုင်း အခြားအလိုက် ပြန်လည်သုံးသပ် ရေးသားခြင်း၊ စိတ်ဓာတ်မြင့်မားပြီး စွမ်းရည်မြင့်မားသော တပ်မတော်သားများဖြင့် ဖွဲ့စည်းထားသော ခေတ်မီ မျိုးချစ်တပ်မတော်တစ်ရပ် ဖွဲ့စည်းထားနိုင်ခြင်း၊ စိတ်ဓာတ်မြင့်မားပြီး ကျန်းမာကြံ့ခိုင်သည့် နိုင်ငံသားများ ပြုစုပျိုးထောင်ပေးနိုင်ခြင်းနှင့် မိမိနိုင်ငံအပေါ် စိတ်ထားမှန်ကန်သော နိုင်ငံများနှင့် မဟာမိတ်ဖွဲ့ထားနိုင်ခြင်း စသည့်အချက်များအပေါ်တွင်လည်း မူတည်နေပါကြောင်း ရေးသားဖော်ပြအပ်ပါသည်။
ဒေါက်တာနိုင်ဆွေဦး
သေနင်္ဂမဟာဗျူဟာလေ့လာရေးအဖွဲ့
ကျမ်းကိုးစာရင်း
- Is Military Expenditure a Reliable Indicator of Victory in an Interstate War? Jacques Fontanel, Vision of Humanity, March 2022
- SIPRI 2023 Report: World Military Expenditure Reaches New Record, Army Recognition, April 26, 2023
- Trends in World Military Expenditure, 2022, Nan Tian, Diego Lopes Da Silva, et al, SIPRI Fact Sheet, April 24, 2023
