(ကမ္ဘာ့ရေးရာ အမှတ် (၂၁) ဩဂုတ်၊ ၂၀၂၃ တွင် ဖော်ပြပါရှိသော စစ်မှုရေးရာဆောင်းပါး ဖြစ်ပါသည်။)
စစ်ဘက်ရေးရာ တော်လှန်ပြောင်းလဲမှုတွင် ဉာဏ်ရည်တုနည်းပညာ၏ အခန်းကဏ္ဍအား လေ့လာခြင်း
(The Study on The Roles of Artificial Intelligence in Revolution in Military Affairs)
နိဒါန်း
၁။ စစ်ဘက်ရေးရာ တော်လှန်ပြောင်းလဲမှု (Revolution in Military Affairs – RMA) နှင့် ဉာဏ်ရည်တု နည်းပညာ (Artificial Intelligence – AI) တို့သည် ခေတ်သစ်စစ်ပွဲအပေါ် သိသာထင်ရှားသော သက်ရောက်မှုရှိသည့် အပြန်အလှန်ဆက်နွယ် ပတ်သက်နေကြသော အယူအဆများ ဖြစ်သည်။ RMA နှင့် AI တို့၏ ဆက်နွယ်မှုမှာ အချိုးညီမျှတမှုရှိပြီး RMA သည် စစ်ရေးစွမ်းရည်များ၊ မဟာဗျူဟာများနှင့် အယူအဆများ ပြောင်းလဲခြင်းကို ရည်ညွှန်းသော်လည်း AI သည် ဤအသွင်ပြောင်းမှုကို မောင်းနှင်သည့် နည်းပညာဆိုင်ရာ အဓိကလုပ်ဆောင်ပေးသူ ဖြစ်သည်။ RMA နှင့် AI တို့သည့် ခေတ်သစ်စစ်မှုရေးရာ တိုးတက်ပြောင်းလဲမှုတွင် ရောထွေးယှက်တင်နေသည့် အယူအဆများ ဖြစ်ကြပါသည်။ Stephen Biddle ၏ ၂၀၀၄ ခုနှစ်ထုတ် Military Power: Explaining Victory and Defeat in Modern War စာအုပ်တွင်တော့ ခေတ်သစ်စစ်ပွဲတွင် တိုက်ပွဲရလဒ်အား ဖော်ဆောင်နိုင်ရန်အတွက် စစ်ဘက်ရေးရာအယူအဆများနှင့် စစ်နည်းဗျူဟာများသည် နည်းပညာတိုးတက်လာမှုထက် ပိုမိုအရေးကြီးကြောင်းနှင့် ထိုအခြေခံအယူအဆသည် ပထမကမ္ဘာစစ် တစ်ဝက်ခန့်ကာလမှ စတင်ကာ ယနေ့တိုင် ပြောင်းလဲမှု အနည်းငယ်သာရှိသေးကြောင်း စာရေးသူက စောဒက တက်ထားသည်။ ထို့ကြောင့် ခေတ်သစ်စစ်ပွဲအခြေအနေတွင် ဖြစ်ပေါ်လျက်ရှိသော စစ်ဘက်ရေးရာ တော်လှန်ပြောင်းလဲမှုအတွင်းမှ ဉာဏ်ရည်တု (AI) ၏ အခန်းကဏ္ဍမှာ လေ့လာသုတေသနပြုသင့်သော အရာဖြစ်ပါသည်။
စစ်ဘက်ရေးရာ တော်လှန်ပြောင်းလဲမှု (Revolution in Military Affairs – RMA) ဆိုသည်မှာ
၂။ စစ်ဘက်ရေးရာ တော်လှန်ပြောင်းလဲမှု (Revolution in Military Affairs – RMA) သည် စစ်ဘက်ဆိုင်ရာ သီအိုရီ၏ အယူအဆတစ်ခုဖြစ်ပြီး မကြာခဏဆိုသလိုပင် တပ်မတော် ပြုပြင်ပြောင်းလဲမှုအတွက် နည်းပညာနှင့် အဖွဲ့အစည်းဆိုင်ရာ အကြံပြုချက်များနှင့် ဆက်စပ်လျက် ရှိနေပါသည်။ RMA သည် နည်းပညာ၏ မောင်းနှင်အားဖြင့် စစ်ဆင်ရေးဆိုင်ရာ တီထွင်ဆန်းသစ်မှုများအား ဖွဲ့စည်းပုံပြုပြင်ပြောင်းလဲမှုဖြင့် ပေါင်းစည်းထားခြင်းဖြစ်သည်။ စစ်ဘက်ရေးရာ တော်လှန်ပြောင်းလဲမှု ဟူသော ဝေါဟာရသည် ၁၉၉၁ ခုနှစ် ပင်လယ်ကွေ့စစ်ပွဲ၏ ရလဒ်ကြောင့် အမေရိကန်ပြည်ထောင်စုတွင် ကျယ်ကျယ်ပြန့်ပြန့် ပျံ့နှံ့လာခဲ့သည်။ စစ်ရေးလေ့လာသုံးသပ်သူများနှင့် တပ်မတော်အရာရှိများအတွက် အီရတ်တပ်မတော်အား တိုက်ခိုက်ရာတွင် ကုလသမဂ္ဂ၏ ထောက်ပံ့မှုဖြင့် အမေရိကန်၏ ဦးဆောင်မှုအောက်တွင် ဖွဲ့စည်းထားသော နိုင်ငံတကာ ညွန့်ပေါင်းအဖွဲ့၏ အံ့မခန်းအောင်မြင်မှုများသည် အနာဂတ်စစ်ဆင်ရေးများတွင် နည်းပညာမြင့် လက်နက်စနစ်များအား အသုံးပြုခြင်းဖြင့် စစ်ပွဲ၏ အဆုံးအဖြတ်ကို ဖြစ်စေကြောင်း သက်သေပြနေပါသည်။
၃။ စစ်မဟာဗျူဟာလေ့လာရေး ပညာရှင်အချို့က တိုက်ပွဲအတွင်း သတင်းအချက်အလက်နည်းပညာ၏ အကျိုးသက်ရောက်မှုသည် စစ်ပွဲ၏ သဘောသဘာဝကိုပါ ပြောင်းလဲပစ်လိုက်နိုင်အောင် အစွမ်းထက်မြက်ကြောင်း ရေးသားလာကြသည်။ အကျယ်တဝင့်ဖော်ပြရလျှင် လူသားမျိုးနွယ်စုသမိုင်း၏ အချို့သောကာလများတွင် အသစ်ပေါ်ထွန်းလာသော စစ်ရေးဆိုင်ရာ အယူအဆများ၊ မဟာဗျူဟာများ၊ နည်းပရိယာယ်များနှင့် နည်းပညာများသည် စစ်ပွဲ ဆင်နွှဲရာတွင် ပြန်လည် ပြုပြင်၍ မရနိုင်သော အပြောင်းအလဲအား ဖြစ်စေခဲ့သည်ဟု RMA က အခိုင်အမာဆိုသည်။ ထို့အပြင် ထိုပြောင်းလဲမှုများသည် ဆန်းသစ်သော အယူအဆများနှင့် မဟာဗျူဟာများအား လျှင်လျှင်မြန်မြန်ဖြင့် လိုက်လျောညီထွေ လက်ခံအသုံးချစေရန် တွန်းအား ဖြစ်စေသည်။ အမေရိကန်ပြည်ထောင်စုတွင် RMA သည် အမေရိကန် တပ်မတော်၏ ဖွဲ့စည်းပုံ ပြုပြင်ပြောင်းလဲခြင်းနှင့် စနစ်များ ပေါင်းစည်းခြင်းဆိုင်ရာ ဆွေးနွေးမှုများနှင့် မကြာခဏဆိုသလို ချိတ်ဆက်လျက်ရှိသည်။ RMA တွင် အဓိကအစိတ်အပိုင်း (၄) ခုရှိရာ ၎င်းတို့မှာ –
(က) နည်းပညာတိုးတက်ပြောင်းလဲမှု (Technological Change)
(ခ) စစ်ဘက်ဆိုင်ရာစနစ်များ ဆင့်ကဲပြောင်းလဲလာခြင်း (Military Systems Evolution)
(ဂ) စစ်ဆင်ရေးဆိုင်ရာ တီထွင်ဆန်းသစ်မှုများ (Operational Innovation) နှင့်
(ဃ) ဖွဲ့စည်းပုံအား တိုးတက်လာသော ခေတ်နှင့်အညီ လိုက်လျောညီထွေစွာ ဖွဲ့စည်းခြင်း (Organizational Adaptation) တို့ဖြစ်သည်။ ထိုအထဲမှ စစ်ဘက်ဆိုင်ရာစနစ်များ ဆင့်ကဲပြောင်းလဲလာခြင်းဆိုသည်မှာ ပေါ်ထွက်လာသည့် နည်ပညာအသစ်များအား အသစ် သို့မဟုတ် ရှိပြီးဖြစ်သည့် စစ်ရေးစွမ်းရည်များ သို့မဟုတ် လုပ်ဆောင်မှုများတွင် ပေါင်းစပ်ခြင်း ဖြစ်သည်ဟု ဖွင့်ဆိုနိုင်ပါသည်။
ဉာဏ်ရည်တု (Artificial Intelligence) နည်းပညာဆိုသည်မှာ
၎။ Encyclopedia Britannica တွင် အဓိပ္ပါယ်ဖွင့်ဆိုထားချက်အရ ဉာဏ်ရည်တု (Artificial Intelligence) နည်းပညာဆိုသည်မှာ ဒီဂျစ်တယ် ကွန်ပျူတာ သို့မဟုတ် ကွန်ပျူတာဖြင့် ထိန်းချုပ်ထားသာ စက်ရုပ်က အသိဉာဏ်ရှိသော သက်ရှိတစ်မျိုးကဲ့သို့ လုပ်ဆောင်ခြင်းဖြစ်သည်။ တစ်နည်းဆိုရလျှင် လူသားတို့ ပုံမှန်လုပ်ဆောင်သည့် ဉာဏ်ရည်ဉာဏ်သွေးဖြင့် အသုံးပြု လုပ်ဆောင်ရသည်များကို စက်ဖြင့် လုပ်ဆောင်နိုင်ရန် ဖန်တီးထားခြင်း ဖြစ်သည်။ AI သည် လူ သို့မဟုတ် အခြားတိရိစ္ဆာန်များက ပြသသည့် ဉာဏ်ရည်ထက် စက်များက သတင်းအချက်အလက်များကို လေ့လာသိမြင်ခြင်း၊ ပေါင်းစပ်ခြင်းနှင့် ကောက်ချက်ချခြင်းတို့ကို ပြုလုပ်နိုင်သည့် အသိဉာဏ် ဖြစ်သည်။ ဥပမာအားဖြင့် စကားပြောဆိုမှုအား သိရှိမှတ်သားနိုင်ခြင်း (Speech Recognition) ၊ ကွန်ပျူတာ၏ စိတ်ကူးအတွေးအမြင် (Computer Vision)၊ လူသားတို့ ပြောဆိုသည့် သဘာဝ ဘာသာစကားများအကြား အပြန်အလှန် ဘာသာပြန်ဆိုခြင်း (Translation between (Natural) languages) တို့အပြင် အချက်အလက်ထည့်သွင်းမှုများအား ရလဒ်အဖြစ် ပုံဖော်ခြင်း (Mappings of Inputs) တို့ပါဝင်သည်။
AI အနေဖြင့် လူသားတို့အား ကျော်တက်လွှမ်းမိုးသွားနိုင်မည်ဟူသော မေးခွန်းအတွက်မူ ငြင်းခုံဆွေးနွေးနေကြဆဲဖြစ်သည်။ AI အား သုတေသနပြုရာတွင် ဉာဏ်ရည်ဉာဏ်သွေး၏ အောက်ပါ အစိတ်အပိုင်းများဖြစ်သည့် သင်ယူမှု (Learning) ၊ ကျိုးကြောင်းဆင်ခြင်မှု (Resoning) ၊ ပြဿနာဖြေရှင်းမှု (Problem Solving ၊ ခံယူချက် (Perception) နှင့် ဘာသာစကားကို အသုံးပြုခြင်း (Using Language) တို့ကို အဓိကအာရုံစိုက်လုပ်ဆောင်နေပါသည်။ AI အပလီကေးရှင်းများတွင် အဆင့်မြင့် ဝဘ်ရှာဖွေရေးအင်ဂျင်များ (ဥပမာ Google Search)၊ သတင်းအချက်အလက်နှင့် ဖျော်ဖြေရေးဆိုင်ရာစနစ်များ (ဥပမာ YouTube၊ Amazon၊ နှင့် Netflix)၊ လူတို့၏ စကားပြောဆိုမှုကို နားလည်ခြင်း (ဥပမာ Siri နှင့် Alexa )၊ အလိုအလျောက်မောင်းနှင်သည့်ကားများ (ဥပမာ Waymo)၊ ထုတ်လုပ်မှု သို့မဟုတ် ဖန်တီးမှုကိရိယာများ (ဥပမာ ChatGPT နှင့် AI Art)၊ အလိုအလျောက် ဆုံးဖြတ်ချက်ချခြင်းနှင့် အဆင့်အမြင့်ဆုံး ယှဉ်ပြိုင်ရသည့် ဗျူဟာဂိမ်းစနစ်များ (ဥပမာ စစ်တုရင်နှင့် Go) တို့ ပါဝင်သည်။
စစ်ဘက်ရေးရာ တော်လှန်ပြောင်းလဲမှုနှင့် ဉာဏ်ရည်တုနည်းပညာ
နိုင်ငံတော် ကာကွယ်ရေးအတွက် ဉာဏ်ရည်တု (AI) ကို အသုံးပြုခြင်းသည် အရေးကြီးသောကိစ္စရပ် ဖြစ်သော်လည်း ထိုသို့အသုံးပြုခြင်းအား စနစ်တကျ စီမံခန့်ခွဲ အသုံးချနိုင်ရန် လိုအပ်ပါသည်။။ ကမ္ဘာတစ်ဝှမ်းရှိ နိုင်ငံအသီးသီးမှ တပ်မတော်များသည် ကြည်းတပ်၊ ရေတပ်၊ လေတပ်နှင့် အာကာသ ပလက်ဖောင်းများတွင် အသုံးပြုသည့် လက်နက်များနှင့် အခြားစနစ်များထဲသို့ AI နည်းပညာအား ထည့်သွင်း အသုံးပြုနေပါသည်။ ထိုကြောင့် AI သည် အနာဂတ်စစ်မြေပြင်တွင် အရေးပါသော အခန်းကဏ္ဍက ပါဝင်နေသည်။ အမေရိကန်အပါအဝင် ကမ္ဘာ့နိုင်ငံများက AI နည်းပညာအား စစ်ဘက်ဆိုင်ရာအသုံးပြုမှုများအတွက် တီထွင်ထုတ်လုပ်နေကြပါသည်။ ဥပမာအားဖြင့် အမေရိကန် ကာကွယ်ရေးဝန်ကြီးဌာန၊ ကာကွယ်ရေး အဆင့်မြင့် သုတေသန ပရောဂျက်များ အေဂျင်စီ (Defense Advanced Research Projects Agency – DARPA) သည် ရေအောက်မိုင်းများကို ထောက်လှမ်းခြင်းမှသည် ရေငုပ်သင်္ဘော တိုက်ဖျက်ရေး စစ်ဆင်ရေးများအထိ လုပ်ဆောင်နိုင်သည့် စက်ရုပ်ရေငုပ်သင်္ဘောစနစ် ဖွံ့ဖြိုးတိုးတက်ရေးအတွက် ဘဏ္ဍာငွေများ သုံးစွဲလျက်ရှိနေပါသည်။ . ထို့အပြင် အမေရိကန်ကာကွယ်ရေးဝန်ကြီးဌာနသည် ၂၀၁၇ ခုနှစ် ဘဏ္ဍာရေးနှစ်တွင် ဥာဏ်ရည်တု၊ Big Data နှင့် Cloud တို့အတွက် အမေရိကန်ဒေါ်လာ ၇ ဒဿမ ၄ ဘီလီယံသုံးစွဲခဲ့ပြီး၊ တရုတ်သည်လည်း ၎င်း၏ကာကွယ်ရေးစွမ်းရည်ကို မြှင့်တင်ရန်အတွက် AI ၏ အခန်းကဏ္ဍအား တိုးမြှင့်လျက်ရှိရာ ၂၀၃၀ ပြည့်နှစ်အရာက်တွင် ဤနယ်ပယ်၌ ကမ္ဘာ့ခေါင်းဆောင်ဖြစ်လာရန် မျှော်လင့်ထားပါသည်။
AI သည် လုပ်ငန်းနယ်ပယ်မျိုးစုံတွင် ခေတ်ပြောင်းလဲမှုကို ဖြစ်ပေါ်စေသော အရေးပါသည့် နည်းပညာတစ်ခုအဖြစ် ပေါ်ထွက်လာရာ စစ်ဘက်ရေးရာများတွင် ကျယ်ပြန်စွာ အသုံးပြုလာနေပြီ ဖြစ်သည်။ စစ်ဆင်ရေး စီမံချက်ရေးဆွဲခြင်းမှသည် စစ်သည်များ ရွှေ့ပြောင်း သယ်ယူပို့ဆောင်ခြင်း၊ စစ်သည်များအား လေ့ကျင့်သင်ကြားပေးခြင်းနှင့် ကျန်းမာရေး စောင့်ရှောက်မှုပေးခြင်းအထိ စစ်ဘက်ဆိုင်ရာ လုပ်ငန်းစဉ်တိုင်းတွင် AI အား အသုံးပြုခြင်းဖြင့် အကျိုးကျေးဇူးများ ရရှိနိုင်ပါသည်။ သို့သော် AI အား ထိရောက်စွာ အသုံးဝင်မှုရှိစေရန်အတွက် လုပ်ဆောင်မည့် အလုပ်နှင့်ကိုက်ညီသည့်ပုံစံဖြင့် အကောင်အထည်ဖော်ရမည် ဖြစ်သည်။
AI အား စစ်ဘက်ဆိုင်ရာ အသုံးချမှုများသည် တပ်မတော်တစ်ရပ်၏ လုပ်ငန်းဆောင်တာများတွင် မရှိမဖြစ် အစိတ်အပိုင်းတစ်ခု ဖြစ်လာပြီး ထိုအရေးပါမှုမှာ ဆက်လက် ကြီးထွားလာမည် ဖြစ်သည်။ ခေတ်သစ်စစ်မြေပြင်တွင် AI ၏ အလားအလာကို သိရှိနားလည်မှုသည် အရေးကြီးပါသည်။ AI အား စစ်ရေးအခြေအနေတွင် အသုံးပြုသည့်အခါ ဖြစ်ပေါ်လာနိုင်သည့် လုံခြုံရေးအန္တရာယ်များနှင့် ကျင့်ဝတ်ဆိုင်ရာ ပြဿနာများကို သိရှိနားလည်ရန်မှာလည်း ထပ်တူအရေးကြီးပါသည်။ သမားရိုးကျစနစ်များနှင့် နှိုင်းယှဉ်ပါက AI နည်းပညာသုံး စစ်ဘက်စနစ်များသည် အလွန်ကြီးမားသော ဒေတာအချက်အလက်ပမာဏကို ထိရောက်စွာ စီမံခန့်ခွဲနိုင်သည်။ AI သည် ဆုံးဖြတ်ချက်များ ချမှတ်ရာတွင် အလွန်ကောင်းမွန်သောကြောင့်၊ ၎င်းသည် တိုက်ခိုက်ရေးစနစ်များအား အလိုအလျောက် ထိန်းညှိခြင်း၊ အလိုအလျောက် ထိန်းချုပ်ခြင်းနှင့် အလိုအလျောက် အသက်သွင်းခြင်းတို့ကို ပြုလုပ်ပေးနိုင်ပါသည်။ AI နည်းပညာများအား စစ်ဆင်ရေးများတွင် ပေါင်းစပ်အသုံးပြုခြင်းဖြင့် စစ်ရေးဆိုင်ရာ တော်လှန်ပြောင်းလဲမှု၊ ကာကွယ်ရေးစွမ်းပကား မြှင့်တင်မှုနှင့် ဆုံးဖြတ်ချက်ချသည့် လုပ်ငန်းစဉ်များအား တိုးတက်လာစေမည့် အလားအလာကောင်းများ ဖြစ်ပေါ်လာစေပါသည်။
ထောက်လှမ်းရေသတင်း စိစစ်သုံးသပ်ခြင်းမှသည် အလိုအလျောက် မောင်းနှင်သွားလာနိုင်သည် စနစ်များအထိ AI သည် စစ်ရေးဆိုင်ရာ အခင်းအကျင်းများအား နည်းလမ်းမျိုးစုံဖြင့် ပြောင်းလဲပေးလျက်ရှိပါသည်။ AI သည် ခေတ်သစ်စစ်မြေပြင်အား လျှင်မြန်စွာ ပြောင်းလဲပေးလျက်ရှိပြီး စစ်ဆင်ရေးဆင်နွှဲသည့် နည်းလမ်းများအားလည်း တော်လှန် ပြောင်းလဲလျက် ရှိသည်။ AI အား စစ်မြေပြင်တွင် ပေါင်းစပ်အသုံးပြုခြင်းဖြင့် စစ်ရေးသုံးသပ်မှု၊ ဆုံးဖြတ်ချက်ချသည့် လုပ်ငန်းစဉ်များနှင့် စစ်ဆင်ရေး၏ ထိရောက်မှုအားလုံးအပါအဝင် စွမ်းရည်များအား မြှင့်တင်ပေးပါသည်။ စစ်မြေပြင်တွင် AI အား ပေါင်းစပ်အသုံးချနိုင်သည့် အရေးပါသော နယ်ပယ်များမှာ အောက်ပါအတိုင်း ဖြစ်ပါသည်။
(က) ထောက်လှမ်းရေးသတင်း စိစစ်သုံးသပ်ခြင်း (Intelligent Data Analysis)
AI Algorithm သည် အာရုံခံကိရိယာများ၊ ထောက်လှမ်းရေးဂြိုလ်တုများ၊ လူမဲ့လေယာဉ်များနှင့် အခြား ရင်းမြစ်မျိုးစုံမှ ရရှိသော အလွန်များပြားလှသည့် အချက်အလက်များအား တွက်ချက်ပေးနိုင်စွမ်း ရှိပါသည်။ ထိုသို့ တွက်ချက်ရာတွင် ရန်သူ့လှုပ်ရှားမှု၊ မြေအနေအထား၊ ရာသီဥတု ပြောင်းလဲမှုပုံစံအပါအဝင် သတင်းအချက်အလက်များအား အချိန်နှင့် တစ်ပြေးညီ ခွဲခြမ်းစိတ်ဖြာ သုံးသပ်ပေးနိုင်စွမ်းရှိပါသည်။ ရှုပ်ထွေးများပြားသည့် အချက်အလက်များအတွင်းမှ အမှန်တကယ်လုပ်ဆောင်နိုင်မည့် သတင်းအချက်အလက်များအား စိစစ်ထုတ်ဖော်ပေးခြင်းအားဖြင့် စစ်ဘက်ခေါင်းဆောင်များအား အဖိုးတန်သည့် ထောက်လှမ်းရေးသတင်းအချက်အလက်များ ထောက်ပံ့ပေးနိုင်သည့်အပြင် စစ်ရေးသုံးသပ်မှုအားလည်း တိုးတက်စေပါသည်။
(ခ) အလိုအလျောက်မောင်းနှင်သည့် စနစ်များ (Autonomous Systems)
AI နည်းပညာသည် စစ်မြေပြင်တွင် အလိုအလျောက် မောင်းနှင်နိုင်သည့်စနစ်များအား ပိုမို တိုးတက်အသုံးပြုနိုင်စေပါသည်။ AI နည်းပညာ ထည့်သွင်း တပ်ဆင်ထားသော လူမဲ့ကင်းထောက်လေယာဉ်များ (UAV)၊ လူမဲ့တိုက်ခိုက်ရေးလေယာဉ်များ (UCAV)၊ လူမဲ့မြေပြင်သွားယာဉ်များနှင့် စက်ရုပ်များ၊ အလိုအလျောက်မောင်းနှင့်နိုင်သည့် မော်တော်ယာဉ်များသည် စစ်မြေပြင်တွင် ကင်းထောက်ခြင်း၊ ထောက်လှမ်းခြင်း၊ ပစ်မှတ်ညွှန်ပြခြင်းနှင့် ထောက်ပံ့ပို့ဆောင်ရေးတို့ လုပ်ဆောင်နိုင်သည်။ ထို့အတွက်ကြောင့် လူသားစစ်သည်တော်များ၏ အသက်အန္တရာယ်ဖြစ်စေနိုင်မှုအား လျှော့ချပေးနိုင်ပြီး စစ်ဆင်ရေစွမ်းရည်အား တိုးတက်စေပါသည်။ ဥပမာအားဖြင့် ၂၀၂၀ ပြည့်နှစ်က ဖြစ်ပွားခဲ့သော အာမေးနီးယားနှင့် အဇာဘိုင်ဂျန်တို့၏ နာဂါနို-ကရာဘတ်စစ်ပွဲအား လေ့လာကြည့်လျှင် တူကီရေးနိုင်ငံထုတ် Bayraktar TB-2 လူမဲ့တိုက်ခိုက်ရေးလေယာဉ်များ၏ အရေးပါမှုကို တွေ့ရှိနိုင်ပါသည်။ လက်ရှိဖြစ်ပွားနေသော ရုရှား-ယူကရိန်စစ်ပွဲတွင်လည်း နှစ်ဘက်လုံးက လူမဲ့တိုက်ခိုက်ရေးလေယာဉ်များအား ကျယ်ကျယ်ပြန့်ပြန့် အသုံးပြုနေပါသည်။ ယူကရိန်းတို့က Bayraktar TB-2 များနှင့် ပြည်တွင်းထုတ်အချို့အားလည်းကောင်း၊ ရုရှားတို့က ပြည်တွင်းထုတ် Lancet နှင့် Orlan-10 အပါအဝင် လူမဲ့လေယာဉ်များကိုလည်းကောင်း အသုံးပြု တိုက်ပွဲဝင်လျက်ရှိပါသည်။ ရုရှားတို့သည် Uran-9 လူမဲ့ ချိန်းတပ် မြေပြင်သွားတိုက်ခိုက်ရေးယာဉ်များအား စတင်အသုံးပြုနေပြီ ဖြစ်ပါသည်။ အမေရိကန်လေတပ်သည် General Atomics MQ-1 Predator နှင့် MQ-9 Reaper လူမဲ့တိုက်ခိုက်ရေးလေယာဉ်များ၊ Northrop Grumman RQ-4 Global Hawk လူမဲ့ အမြင့်ပျံတာဝေးကင်းထောင်လေယာဉ်များ၊ Ghost Robotics နှင့် Immersive Wisdom တို့ ပူးပေါင်းဒီဇိုင်းရေးဆွဲ ထုတ်လုပ်သည့် စက်ရုပ်ခွေး (Quad-legged Unmanned Ground Vehicle သို့မဟုတ် Q-UGV) များအား စတင်အသုံးပြုနေပြီ ဖြစ်ပါသည်။ အမေရိကန်ကြည်းတပ်သည်လည်း လူမဲ့မြေပြင်သွား တိုက်ခိုက်ရေးနှင့် ထောက်ပံ့ပို့ဆောင်ရေးယာဉ်အမျိုးမျိုးတို့အား စမ်းသပ်အသုံးပြုလျက်ရှိပါသည်။
(၃) ကြိုတင်ခန့်မှန်းခွဲခြမ်းစိတ်ဖြာ သုံးသပ်ချက်များ (Predictive Analytics)
AI Algorithm သည် သမိုင်းကြောင်းအထောက်အထားများ၊ ဖြစ်ပေါ်ပြောင်းလဲမှုပုံစံများနှင့် လားရာများအား ခွဲခြမ်းစိတ်ဖြာသုံးသပ်ပေးခြင်းဖြင့် အနာဂတ်တွင် ဖြစ်ပေါ်လာနိုင်သည့် ဖြစ်စဉ်ဖြစ်ရပ်များနှင့် စပ်လျင်းပြီး ကြိုတင်ခန့်မှန်းမှုများ ထုတ်ပေးနိုင်ပါသည်။ ထိုကဲ့သို့စွမ်းဆောင်ရည်သည် ရန်သူ့အမူအကျင့်အား ခန့်မှန်းသုံးသပ်ခြင်း၊ ခြိမ်းခြောက်လာနိုင်သည့်အလားအလာမျာအား ဖော်ထုတ်ပေးခြင်း၊ ထိတွေ့မှုရလဒ်များအား အကဲဖြတ်ဆုံးဖြတ်ခြင်းတို့အတွက် အလွန်ပင် တန်ဖိုးရှိပါသည်။ အနာဂတ်တွင် ဖြစ်ပွားလာနိုင်သည့် ဖြစ်စဉ်များအား ပုံဖော်ချပြပေးခြင်းဖြင့် AI သည် စစ်ဆင်ရေးစီမံချက်ရေးဆွဲသူ ခေါင်းဆောင်များအား ပိုမိုပြတ်သားသော ဆုံးဖြတ်ချက်များ ချမှတ်စေနိုင်ရန်နှင့် ထိရောက်မှုရှိသော မဟာဗျူဟာများ ရေးဆွဲနိုင်စေရေး အထောက်အကူပြုပါသည်။
(ဃ) ပစ်မှတ်ရှာဖွေခြင်းနှင့် တိကျသော ပစ်ခတ်တိုက်ခိုက်ခြင်း (Targeting and Precision Strikes)
AI နည်းပညာအခြေခံထားသည့် ပစ်မှတ်ရှာစနစ်များသည် ရန်သူ့ပစ်မှတ်များအား ပိုမိုတိကျစွာ ဖော်ထုတ်ခြေရာခံနိုင်စွမ်းရှိပါသည်။ ဤနည်းအားဖြင့် ရန်သူ့ပစ်မှတ်အား ပိုမိုတိကျစွာ ပစ်ခတ်တိုက်ခိုက်နိုင်သည်ဖြစ်ရာ အနီးရှိ ဆက်စပ်ပျက်စီးခြင်းများနှင့် သာမန်ပြည်သူလူထုနှင့် အခြေခံအဆောက်အအုံများ ပျက်စီးဆုံးရှုံးခြင်းတို့အား လျှော့ချပေးနိုင်ပါသည်။ AI Algorithm သည် ထောက်လှမ်းရေးသတင်း၊ ထောက်လှမ်းရေးစနစ်များနှင့် အာရုံခံကိရိယာ ကွန်ယက်များစသည့် ရင်းမြစ်မျိုးစုံမှ အချက်အလက်များအား အချိန်နှင့် တစ်ပြေးညီ ခန့်မှန်းတွက်ချက်ပေးနိုင်သည်ဖြစ်ရာ ပစ်မှတ်ရှာဖွေခြင်းနှင့် တိုက်ခိုက်ခြင်းတို့အတွက် အထောက်အကူပေးနိုင်ပါသည်။
(င) ဆိုင်ဘာလုံခြုံရေးနှင့် သတင်းစစ်ပွဲ (Cybersecurity and Information Warfare)
AI သည် စစ်ဘက်ဆိုင်ရာကွန်ယက်များနှင့် စနစ်များအား ဆိုင်ဘာတိုက်ခိုက်မှုများမှ ကာကွယ်ရာတွင် အရေးပါသော အခန်းကဏ္ဍမှ ပါဝင်နေပါသည်။ AI Algorithm သည် ဆိုင်ဘာတိုက်ခိုက်မှုများအား အချိန်ကိုက် ဖော်ထုတ် တုံ့ပြန်နိုင်ပြီး၊ ထိုးဖောက်ဝင်ရောက်မှုကြောင့် ဖြစ်ပေါ်လာသော အကျိုးသက်ရောက်မှုများအား လျော့ပါးသက်သာစေကာ၊ စစ်ဘက်ဆိုင်ရာ ဆက်သွယ်ရေးစနစ်များ၏ ဒဏ်ခံနိုင်မှုစွမ်းရည်အား တိုးတက်လာစေပါသည်။ AI သည် အွန်လိုင်းမှအချက်အလက်များ၊ လူမှုကွန်ယက်များ၏ ဦးတည်ချက်လားရာများနှင့် လုပ်ကြံဖန်တီးထားသည့် သတင်းတုများဖြင့် စည်းရုံးလှုံဆော်မှုများအား ခွဲခြမ်းစိတ်ဖြာသုံးသပ်ပေးခြင်းနှင့် ရန်သူ့စိတ်ဓါတ်စစ်ဆင်ရေး ဝါဒဖြန့်ချိမှုနှင့် ဩဇာလွှမ်းမိုးရန် လုပ်ဆောင်မှုများအား တန်ပြန်လုပ်ဆောင်နိုင်ရန် ကူညီခြင်းတို့ဖြင့် သတင်းစစ်ဆင်ရေး ဆင်နွှဲရာတွင် အထောက်အကူဖြစ်စေပါသည်။
(စ) စစ်ရေးဆုံးဖြတ်ချက် အထောက်အကူပြုမှုစနစ်များ (Decision Support Systems)
AI စွမ်းအားသုံး စစ်ရေးဆုံးဖြတ်ချက် အထောက်အကူပြုစနစ်များသည် စစ်ဘက်ခေါင်းဆောင်များအား ရှုပ်ထွေးပြီး လျှင်မြန်စွာပြောင်းလဲနေသော စစ်မြေပြင်အခြေအနေတွင် ကောင်းမွန်သော ဆုံးဖြတ်ချက်များ ချမှတ်နိုင်ရန် အထောက်အကူပြုပါသည်။ ၎င်းစနစ်များသည် အချိန်ကိုက် သတင်းအချက်အလက်များအား သုံးသပ်နိုင်ခြင်း၊ ဖြစ်ပေါ်လာနိုင်သည့် ဖြစ်စဉ်များအား ချပြပေးခြင်းနှင့် သမိုင်းကြောင်းဆိုင်ရာအချက်အလက်များနှင့် ကြိုတင်သတ်မှတ် ပေးထားသည့် ပေးထားချက်များအပေါ် အခြေခံကာ အကြံပြုချက်များ ထောက်ပံ့ပေးနိုင်ပါသည်။ လူသားခေါင်းဆောင်၏ ဆုံးဖြတ်ချက်များအား ပိုမိုကောင်းမွန်စေရန် လုပ်ဆောင်ပေးခြင်းအားဖြင့် AI သည် စစ်ဆင်ရေး၏ ထိရောက်မှုအား တိုးတက်စေပြီး တာဝန်ပြီးမြောက်အောင်မြင်မှု ရရှိစေရန် အထောက်အကူပြုပါသည်။
(ဆ) စစ်မြေပြင် ကျန်းမာရေးစောင့်ရှောက်မှု (Battlefield Health Care)
စစ်ပွဲဖြစ်ပွားရာ နေရာများတွင် AI စနစ်အား စက်ရုပ်ခွဲစိတ်မှုစနစ် (Robotic Surgical Systems – RSS) နှင့် လူမဲ့ မြေပြင်သွား စက်ရုပ်စနစ်များ (Robot Ground Platforms – RGPs) တို့ဖြင့် ပေါင်းစည်းနိုင်ပြီး အဝေးမှ ခွဲစိတ်ခြင်းဆိုင်ရာ လုပ်ဆောင်မှုများနှင့် ရွှေ့ပြောင်းခြင်းဆိုင်ရာ လုပ်ဆောင်မှုများကို ပံ့ပိုးပေးနိုင်ပါသည်။ အထူးသဖြင့် အမေရိကန်သည် စစ်မြေပြင်ကျန်းမာရေးစောင့်ရှောက်မှုအတွက် RSS၊ RGPs နှင့် အခြားသောစနစ်များ ဖွံ့ဖြိုးတိုးတက်ရေးအား လုပ်ဆောင်နေပါသည်။
ခက်ခဲသောကြမ်းတမ်းသော စစ်မြေပြင်အခြေအနေများတွင် AI တပ်ဆင်ထားသောစနစ်များသည် စစ်သည်များ၏ ဆေးမှတ်တမ်းများကို ရှာဖွေဖော်ထုတ်ပေးနိုင်ပြီး ခက်ခဲရှုပ်ထွေးသော ရောဂါရှာဖွေရေးတွင်လည်း ကူညီပေးနိုင်ပါသည်။ ဥပမာအားဖြင့်၊ IBM ၏ Watson သုတေသနအဖွဲ့သည် အမေရိကန် စစ်ပြန်အုပ်ချုပ်မှု အာဏာပိုင်အဖွဲ့ (US Veterans Administration) နှင့် ပူးပေါင်းကာ Electronic Medical Record Analyzer (EMRA) ဟုသိကြသော ဆေးမှတ်တမ်း ခွဲခြမ်းစိတ်ဖြာ သုံးသပ်ရေးစနစ် ရှေ့ပြေးပုံစံအား သုတေသနပြု တီထွင်ထားပါသည်။ ဤပဏာမနည်းပညာသည် Machine Learning Techniques အား အသုံးချကာ လူနာများ၏ အီလက်ထရွန်နစ် ဆေးဘက်ဆိုင်ရာမှတ်တမ်းများကို စိစစ်ရှာဖွေ လုပ်ဆောင်ရန်နှင့် ၎င်းတို့၏ အရေးကြီးဆုံး ကျန်းမာရေးဆိုင်ရာပြဿနာများကို အလိုအလျောက် ခွဲခြားပြီး အဆင့်သတ်မှတ်ရန် ဒီဇိုင်းထုတ်ထားသည်။
(ဇ) ကျင့်ဝတ်ပိုင်းဆိုင်ရာ စဉ်းစားသုံးသပ်သင့်သည့်အချက်များ (Ethical Considerations)
ဉာဏ်ရည်တုနည်းပညာအား စစ်ဘက်ရေးရာ တော်လှန်ပြောင်းလဲမှုတွင် ပေါင်းစပ်အသုံးပြုခြင်းသည် အကျိုးကျေးဇူးများစွာ ဖြစ်ထွန်းစေသော်လည်း ကျင့်ဝတ်ပိုင်းဆိုင်ရာမျာတွင် စဉ်းစားသုံးသပ်ရန် အချက်များ ဖြစ်ပေါ်လာပါသည်။ အလိုအလျောက် လက်နက်စနစ်များ အသုံးပြုလာခြင်း၊ မလိုလားအပ်သော အကျိုးဆက်များ ဖြစ်လာရန် အလားအလာများ ဖြစ်လာခြင်းနှင့် AI နည်းပညာနှင့် စနစ်များအသုံးပြုဆင်နွှဲသည့် စစ်ဆင်ရေးများတွင် လူသား၏ ကြီးကြပ်ကွပ်ကဲမှုဆိုင်ရာ အခန်းကဏ္ဍများနှင့် စပ်လျင်း၍ မေးခွန်းများ ထွက်ပေါ်လာပါသည်။ အထက်ပါ ကျင့်ဝတ်ပိုင်းဆိုင်ရာ အလေးဂရုပြုစရာကိစ္စရပ်များကြောင့် AI နည်းပညာများ ဖွံ့ဖြိုးတိုးတက်ရေးနှင့် အသုံးပြုမှုများ လုပ်ဆောင်ရာတွင် နိုင်ငံတကာစံနှုန်းများနှင့် ဥပဒေမူဘောင်များနှင့် အညီ လုပ်ဆောင်သွားရန် အရေးကြီးပါသည်။ ထို့အပြင် ရန်သူက အားနည်းချက်များအပေါ် အခွင့်ကောင်းယူအသုံးချခြင်းမှ ကာကွယ်တားဆီးနိုင်ရန်အတွက် AI စနစ်များ၏ လုံခြုံရေးနှင့် ယုံကြည်စိတ်ချရမှုတို့အား အသေအချာ လုပ်ဆောင်ထားရမည် ဖြစ်ပါသည်။
တပ်မတော်တွင် ဉာဏ်ရည်တုနည်းပညာအား အသုံးချ၏ အကျိုးကျေးဇူးများ
တပ်မတော်တွင် ဉာဏ်ရည်တုနည်းပညာကို နည်းလမ်းပေါင်းစုံ အသုံးချခြင်းဖြင့် အောက်ပါ အကျိုးရလဒ်များ ရရှိနိုင်ကြောင်း လေ့လာတွေ့ရှိရသည်။
(က) မဟာဗျူဟာမြောက် ဆုံးဖြတ်ချက်ချခြင်း (Strategic Decision Making) တွင် အသုံးချခြင်း
ဖြစ်စဉ်အလားအလာ (Scenario) ခန့်မှန်းသုံးသပ်မှုများ ပြုလုပ်ရာတွင် ပိုမိုတိကျ မြန်ဆန်လာပါမည်။ အစွဲကင်းသော စစ်ရေးသုံးသပ် ဆုံးဖြတ်ချက်များအားလည်း ချမှတ်လာနိုင်ပါမည်။ အရေးပေါ်အခြေအနေများတွင် ကျိုးကြောင်းဆီလျော်စွာ အရေးယူဆောင်ရွက်ခြင်းများ ပြုလုပ်လာနိုင်ပါမည်။
(ခ) လေ့ကျင့်ရေး (Training) တွင် အသုံးချခြင်း
စစ်သည်တစ်ဦးချင်းအား ၎င်းတို့၏ လိုအပ်ချက်များနှင့် ကိုက်ညီဆီလျော်စွာ သင်ကြားပို့ချ ပေးလာနိုင်ပါမည်။ ထို့အပြင် နည်းပြများအနေဖြင့် ကောင်းမွန်မျှတသောအကဲဖြတ် အမှတ်ပေးခြင်းများ ပြုလုပ်လာနိုင်ပါမည်။ ရာထူးတိုးမြှင့်ပေးမှုများတွင်လည်း ပိုမို မျှတမှန်ကန်မှု ရှိလာနိုင်ပါသည်။ သရုပ်ပြမှုများနှင့် လေ့ကျင့်ခန်းများသည်လည်း ပိုမို လက်တွေ့ဆန်စွာ လေ့ကျင့်လာနိုင်ပါသည်။ ပေါ်ထွက်နေသော နည်းပညာများနှင့်အညီ ကွန်ပျူတာဖြင့် ဖန်တီးထားသည့် ယုံကြည်စိတ်ချရသော လေ့ကျင့်ရေးမော်ဒယ်များအား အသုံးပြု လေ့ကျင့်ပေးနိုင်မည် ဖြစ်ပါသည်။
(ဂ) စစ်ဆင်ရေး (Military Operations) တွင် အသုံးချခြင်း
စစ်ဆင်ရေးဆင်နွှဲရာတွင် အရင်းအမြစ်မျိုးစုံမှ အချက်အလက်များအား ထိရောက်စွာ စီမံတွက်ချက် လုပ်ဆောင်ပေးလာနိုင်မည် ဖြစ်ပါသည်။ မိမိစိတ်ကြိုက် ဖန်တီးလုပ်ဆောင်နိုင်သော ထောက်ပံပို့ဆောင်ရေးစနစ်ကြောင့် အုပ်ချုပ်ထောက်ပံ့မှု တာဝန်များအား ပိုမိုလွယ်ကူစွာ လုပ်ဆောင်လာနိုင်ပါမည်။ အလိုအလျောက် မောင်းနှင်သွားလာနိုင်သော ထောက်ပံ့ပို့ဆောင်ရေးစနစ်များ (သို့မဟုတ်) ဝန်တင်စက်ရုပ်စနစ်များက စစ်သည်များအား ဘေးအန္တရာယ် လျော့ပါးသက်သာစေပါသည်။ အကူပံ့ပိုးမှုစနစ်များ (Support Systems) အားလည်း ပိုမိုအသုံးပြုလာနိုင်ပါမည်။
နိဂုံး
နိဂုံးချုပ်အားဖြင့် AI သည် စစ်မြေပြင်တွင် စစ်ရေးသုံးသပ် ဆုံးဖြတ်နိုင်စွမ်းအား မြှင့်တင်ပေးခြင်း၊ အလိုအလျှောက် မောင်းနှင်သည့် လူမဲ့နစ်များအား ပိုမိုအသုံးချလာနိုင်စေခြင်း၊ ကြိုတင်ခန့်မှန်းခွဲခြမ်းစိတ်ဖြာ သုံးသပ်ချက်များအား အထောက်အကူပေးခြင်းနှင့် ဆုံးဖြတ်ချက် ချမှတ်ခြင်းလုပ်ငန်းစဉ်များအား ပိုမိုကောင်းမွန်စေခြင်းဖြင့် စစ်မြေပြင်အား ပြောင်းလဲပေးလျက် ရှိသည်။ တပ်မတော်အတွင်း ဉာဏ်ရည်တုနည်းပညာ (AI) ကို ထိရောက်စွာ အသုံးပြုခြင်းသည် စစ်ရေးစွမ်းရည် တိုးတက်မြင့်လာစေခြင်းနှင့် စစ်သည်များအား ရင်ဆိုင် ကြုံတွေ့လာနိုင်သည့် အန္တရာယ်များအား လျော့ကျစေကာ ပိုမိုကောင်းမွန်သော စစ်ဆင်ရေး ရလဒ်များကို ဖော်ဆောင်ပေးနိုင်သည်။ ဉာဏ်ရည်တုနည်းပညာ (AI) တိုးတက်လာသည်နှင့်အမျှ ၎င်းအား စစ်ဆင်ရေးများတွင် ပေါင်းစည်းအသုံးပြုမှုသည် စစ်ပွဲ၏ အနာဂတ်ကို ဆက်လက်ပုံဖော်နေမည် ဖြစ်ပါသည်။
ဒေါက်တာနိုင်ဆွေဦး
သေနင်္ဂမဟာဗျူဟာလေ့လာရေးအဖွဲ့
ကျမ်းကိုးစာရင်း
– Cuoco, Carlo A. 2010. The Revolution in Military Affairs: Theoretical Utility and Historical Evidence. Research Institute for European and American Studies.
– Biddle, Stephen. 2006. Military Power: Explaining Victory and Defeat in Modern Battle. Princeton University Press. p. 20. ISBN 9781400837823.
– Eliaçık, Eray . “Guns and Codes: The Era of AI-wars Begins.” Dataconomy. August 17, 2022. https://dataconomy.com/…/how-is-artificial…/.
– “The Most Useful Military Applications of AI in 2023 and Beyond.” SDI Sentinent Digital Inc. January 17, 2022. https://sdi.ai/…/the-most-useful-military-applications…/.12
